Skíđaferđ til Neukirchen í Austurríki 27. janúar - 3. febrúar 2018
neukirchen Njóttu þín í Neukirchen
8 dagar / 7 nætur

hámark 25 manns

Fararstjóri: Helmut Maier

Prentvæna útgáfu af upplýsingum um ferðina má fá hér

Við gætum allt eins kallað þessa ferð „Helmut á heimavelli“ því að okkar góði fararstjóri er frá Neukirchen og þó að hann hafi búið á Íslandi í áratugi þá þekkir hann samt hverja þúfu og hvern skafl á svæðinu! Hann er mikill skíðamaður og hefur m.a. keppt á skíðum hér heima og erlendis og verið landsliðsþjálfari Íslands.

Helmut fylgir hópnum upp á Wildkogel sem er fjölskylduvænt og flott skíðasvæði sem að býður upp á gott skíðafrí fyrir hvern sem er! Hefðbundin svigskíðun er auðvitað í forgrunni, en svo eru líka hægt að fara mjög flottar gönguskíðabrautir á svæðinu; leigja fjallaskíðabúnað einn dag og bæta nokkrum toppum í safnið; fara með skíðastrætó yfir á næstu svæði o.s.frv. - að ógleymdri glæsilegri upplýstri 14 km langri sleðabraut.

https://www.wildkogel-arena.at/en/winter-holidays-ski-area-wildkogel-arena

Og svo þekkir Helmut auðvitað ýmsa áhugaverða staði aðra sem að hægt er að skreppa til; frábært safn og sýningar um svæðið og Hohe Tauern þjóðgarðinn í Mittersill, bæjarferð 0g/eða skíðun í og við Zell am See o.s.frv

Dvalið á mjög vel staðsettu og flottu fjögurra stjörnu hóteli Gazzner í Neukirchen. Skíðarútan stoppar fyrir utan hótelið (ókeypis) og þaðan er aðeins 5 mín. akstur yfir að aðallyftu svæðisins, og svo endar ein af skíðabrekkunum í hótelgarðinum...

http://www.hotel-gassner.at/en

Neukichen er fallegur staður og með mjög gott skíðasvæði sem að hentar vel allri fjölskyldunni og ef vilji er til þess að skipta aðeins um gír þá er á svæðinu lengsta upplýsta sleðabraut í heimi, heilir 14 km sem gaman er að bruna eftir að afloknum góðum skíðadegi...

https://www.wildkogel-arena.at/en/winter-holidays

neukirchen kort

 

Ferðaáætlun:

Dagur 1 – laugardagur, 27. janúar

Munchen - Neukirchen

Flogið með Icelandair kl. 07:20 til Munchen, áætluð lending þar kl. 12:05 og við tekur uþb. 3 klst akstur upp til Neukirchen.

Dagur 2 til 7 – laugardagur til föstudags, 28. janúar til 2. febrúar

Skíðun og skemmtilegheit

Þessir dagar fara í útiveru, samveru og góðar upplifanir! Spenna og stuð, slökun og rólegheit, allt eftir óskum hvers og eins til þess að eiga gott og nærandi vetrarfrí. Fararstjórinn aðstoðar eftir þörfum, gefur góð ráð hverjum þeim sem þiggja vill varðandi skíðun, skíðasvæðið og áhugaverða staði í og við bæinn, og er til staðar ef þurfa þykir...

Dagur 8 – laugardagur, 3. febrúar

Heim á leið...

Strax eftir morgunmatinn verður ekið til flugvallarins, áætluð brottför 13:05 og lending á Íslandi 16:00

 

Þjónusta & verð

Innifalið

í verði ferðar:

Flug

27.01.2018: Flug frá Keflavík til Munchen 07:20 – 12:05

03.02.2018: Flug frá Munchen til Keflavíkur 13:05 – 16.00

Athugið að flugtímar geta breyst

Gisting

 7 nætur á Hotel Gassner, góðu 4**** hóteli í Neukirchen

Matur

Morgunverður:

Innifalið – 7 morgunverðir

Hádegisverður:

Ekki innifalið

Kvöldverður:

Innifalið – 7 kvöldverðir

Ferðir

Akstur að og frá flugvellinum í Munchen.

 

Fararstjórn

Helmut Maier

Ekki innifalið:

Hádegisverður

Drykkir með kvöldmat

Akstur á milli skíðasvæða og bæja umfram það sem að er ókeypis frá hótelinu að aðal lyftum svæðisins

Aðgangseyrir á söfn o.þ.h.

Annað það sem ekki er talið upp í „innifalið”

Skíðapassar - hægt er að velja um margar mismunandi útgáfur eins og sjá má hér Í samráði við Helmut er hægt að velja þá útgáfuna sem að hentar best fyrir hvern og einn 

 

Verð:

Verð á mann í tveggja manna herbergi

199.900,-

Verð á mann í eins manns herbergi

219.900,-

Greiðslur og gjalddagar:

Staðfestingargjald:

Staðfestingargjald ISK 75.000 þarf að greiða innan 7 daga frá pöntun. Athugið að staðfestingargjald fæst ekki endurgreitt ef til afbókunar af hálfu viðskiptavinar kemur.

Lokagreiðsla:

Til að staðgreiðsluverð gildi þarf að greiða ferð að fullu í síðasta lagi 6 vikum fyrir brottför, annars hækkar verð um 5%.

Ábendingar:

Ferðaskrifstofan Íslandsvinir áskilur sér rétt til að hætta við ferð sex vikum fyrir brottför ef þátttaka er ekki næg og mun þá endurgreiða að fullu. 

Ferðaskrifstofan Íslandsvinir og fararstjórar hennar áskilja sér allan rétt til að breyta áætlunum ferða ef veður, umferð og/eða ástand vega, eða aðrar ófyrirsjáanlegar aðstæður gefa tilefni til.

Forfallatrygging er ekki í boði í sérferðum ferðaskrifstofunnar. Í mörgum tilfellum er forfallatrygging innifalin í skilmálum greiðslukorta og/eða heimilis- og fjölskyldutrygginga fólks og er viðskiptavinum bent á að hafa samband við banka sinn eða tryggingarfélag til að kanna stöðu mála. Verð ferðar er háð almennum gengisbreytingum, en breytist ekki eftir að hún er að fullu greidd.

Ferðaskrifstofan Íslandsvinir er aðili að SAF (Samtök ferðaþjónustunnar, sjá www.saf.is) og því gilda almennir skilmálar samtakanna um allar ferðir ferðaskrifstofunnar, auk þess sem viðkomandi flugfélag getur verið með sína skilmála til viðbótar.

 

         

 

Frekari upplýsingar og skráning í síma 510 9500 eða sendið fyrirspurn á info@explorer.is

Farþegar  í ferðum Íslandsvina fá sérkjör í útivistarvöruverslunum  „Fjallakofans“ í Hafnarfirði og Reykjavík. 

| More