SKÍĐAFERĐ 2018 – Spindlerúv Mlýn

Ferðskrifstofan Íslandsvinir verður með skíðaferð til Tékklands 27. janúar - 4. febrúar 2018 í fararstjórn Halldórs Hreinssonar.    

Hin árlega og sívinsæla skíðaferð Íslandsvina til Tékklands verður um mánaðarmótin janúar - febrúar 2018

Spindlerúv Mlýn er stærsta skíðasvæði Tékklands. Fjallaþorpið Spindlerúv Mlýn er staðsett í um 140km fjarlægð norður af Prag, rétt við landamæri Póllands. Þorpið stendur í 720m hæð yfir sjávarmáli í þjóðgarði sem nefnist Krokonosk (Risafjöllin) og þarna er ein vinsælasta útivistarperla Tékklands, hvort sem farið er að sumri eða vetri. Svæðið er rómað fyrir fjölbreytt úrval af skíðabrekkum fyrir allt skíðaáhugafólk. Á svæðinu eru einnig þrír snjóbrettagarðar þar sem árlega eru haldin stór snjóbrettamót eins og t.d. Snow Jam. Svæðið hefur því mikið verið notað af atvinnumönnum til æfinga. Að auki eru frábærar gönguskíðabrautir út um allt og hægt að ganga yfir til Póllands og tilbaka á sama deginum. Yngri kynslóðin mun einnig hafa nóg fyrir stafni því það eru tveir glæsilegir skíðagarðar á svæðinu þar sem blandað er saman skíðaiðkun og annarri skemmtilegri vetrarafþreyingu.

Spindlerúv Mlýn skíðasvæðið skiptist í tvö meginsvæði; Svatý Petr – Hromovka og Horni Misecky – Medvedin.

Svatý Petr - Hromovka svæðið er með hátt í 7 kílómetra af lyftum og hækkunin er allt að 450m.

Horny Misecky – Medvedin svæðið er með vel yfir 7 kílómetra af lyftum og hækkunin á svæðinu er allt að 600m. Á báðum svæðum eru fjölmargir veitingastaðir og barir í brekkunum þar sem hægt er að gæða sér á ljúffengum veitingum.

Spindlerúv Mlýn svæðið er besta skíðasvæði Tékklands hvort sem litið er til svigskíða-, snjóbretta- eða gönguskíðaiðkunar.  Sjá nánar á þessari síðu: http://www.skiarealspindl.cz/ 

 

Gist er á glæsilegu og vel búnu hóteli í miðbænum, ****Hotel Harmony

Harmony Club Hotel er staðsett miðsvæðis í bænum og stendur sjálft í um 800 m.y.s. Það er nýtískulegt og býður uppá mjög góða aðstöðu fyrir sína gesti, en hægt er að skoða það nánar á heimasíðu þeirra  www.harmonyclub.cz . Þetta er 4 stjörnu hótel með öllu og hægt er að renna sér beint út á skíðasvæðið. Góðar byrjenda- og barnabrekkur eru við hótelið þar sem m.a. er boðið upp á kennslu.

 

Staðsetning:   Hótelið er staðsett í Medvedin skíðabrekkunni og hægt er að skíða beint heim á hótel.

Herbergi:           Rúmgóð herbergi með baðherbergi, síma, útvarpi og sjónvarpi.

Internet og öryggishólf í herbergi gegn gjaldi.

Aðstaða:          Mismunandi gufuböð, sundlaug, heitir pottar, líkamsræktartæki, ljósabekkur, nudd og snyrting. Keila, billard og leiktæki fyrir börn  

Meðan á dvöl stendur:

Aðstaðan á hótelinu er mjög góð; veitingastaðir, barir, lyfta, skíðageymsla, billjard, keila, innigolf, tennis, skvass og glæsilegt “wellness center” með innisundlaug, nuddpottum og mjög góðri gufubaðsaðstöðu. Farþegar Íslandsvina fá frítt í sundlaugina og heitu pottana meðan á dvöl stendur. Nettenging er í herbergjum gegn greiðslu en frítt á almenningsvæðum á hótelinu. Alla daga er kvöldverðarhlaðborð með mismunandi áherslum. Einnig er alla daga einhverskonar dagskrá fyrir börn og fullorðna, eins og leikir og tónlist.

 

 

SKILMÁLAR OG VERÐ

219.900.- á mann í tvíbýli239.900.- í einbýli.

Innifalið í verði:
Flug og ferðir til og frá flugvelli í Prag. Gisting í 7 nætur í hótel Harmony í Spindlerúv Mlýn og ein nótt í Prag fyrir flug heim. Morgunmatur alla dagana og kvöldmatur þá daga sem dvalið er í Spindlerýv Mlýn. Íslenskur fararstjóri.
                                                                                                                                                     

 

Ferðaskrifstofan Íslandsvinir og fararstjórar hennar áskilja sér allan rétt til að breyta áætlunum ferða ef veður, umferð og/eða ástand vega, eða aðrar ófyrirsjáanlegar aðstæður gefa tilefni til. Forfallatrygging er ekki í boði í sérferðum ferðaskrifstofunnar. Í mörgum tilfellum er forfallatrygging innifalin í skilmálum greiðslukorta og/eða heimilis- og fjölskyldutryggingum fólks og er viðskiptavinum bent á að hafa samband við kortafyrirtæki sitt eða tryggingarfélag til að kanna stöðu mála.

Verð ferðar er háð almennum gengisbreytingum, en breytist ekki eftir að hún er að fullu greidd.

Ferðaskrifstofan Íslandsvinir er aðili að SAF (Samtök ferðaþjónustunnar, sjá www.saf.is) og því gilda almennir skilmálar samtakanna um allar ferðir ferðaskrifstofunnar, auk þess sem viðkomandi flugfélag getur verið með sína skilmála til viðbótar.

Frekari upplýsingar og skráning í síma 510 9500 eða sendið fyrirspurn á info@explorer.is
| More